हामी सबैकाे संसारन्यूज

२४ कात्तिक, काठमाण्डौं । भारतद्धारा हालै जारी गरिएको नयाँ राजनीतिक नक्साप्रति व्यापक विरोध भइरहेको छ ।

उक्त नक्सामा भारतले नेपालको भूभाग कालापानी, लिपुलेक र लिम्पियाधुरालाई आफ्नो भूभागमा देखाएपछि देश तथा विदेशमा रहेका नेपालीले व्यापक विरोध जनाइरहेका छन् ।

यसैबीच नेपाल प्रजातान्त्रिक संपर्क महासंघले पनि उक्त नक्साप्रति गम्भीर ध्यानाकर्षण भएको जनाएको छ ।

महासंघका महासचिव भक्तराज भुसालद्धारा जारी विज्ञप्तिमा भनिएको छ ‘छिमेकि मुलुक भारतले लिपुलेक र कालापानीको साँध मिचेर आफुपट्टि पारे भन्ने खबरले मर्माहित बनाएको छ । बाहिर सुनिए अनुसार कुनै पनि छिमेकी देशको नक्शामा दुबै पक्षका प्रतिनिधि बसेर सहमति अनुसार साँध लगाइन्छ । यस बिषयको बारेमा यथार्थ यथाशक्य छिटो सत्यतथ्य पत्ता लगाएर समस्या सामाधन गर्न नेपाल सरकारलाइ अनुरोध गरिन्छ । यसैमा सवैको हित छ ।

चीन र भारतले हाम्रो भूमी कालापानी लिपुलेकका बिषयमा गरेको सम्झौता सरकारलाई कस्तो लाग्छ थाहा छैन तर हामी नेपाली जनतालाई यो बिषय अमान्य छ । यस बिषयमा नेपाल प्रजातान्त्रिक सम्पर्क महासंघको गंभिर ध्यानाकर्षण भएको छ ।’

भक्त राज भुसाल
महासचिव
नेपाल प्रजातान्त्रिक संपर्क महासंघ