हामी सबैकाे संसारन्यूज

२४ कार्तिक, काठमाडौँ । चालु आर्थिक वर्षको साढे तीन महिनामा चार हजार ६ सय ५७ वटा सडक दुर्घटना भएका छन् ।

सातवटै ट्राफिक प्रहरी कार्यालयको तथ्यांक अनुसार यी दुर्घटनाका पाँच सय ३८ जनाले ज्यान गुमाएका देिखन्छ । त्यस्तै दैनिक सरदर ४४ वटा दुर्घटना भएका छन् । यी दुर्घटनामा ४ हजार ६ सय ८८ जना घाइते भएका छन् । यस अवधिमा दशैं तिहारमा सबैभन्दा बढी सडक दुर्घटना भएका छन् ।

यसअवधिमा सवारी दुर्घटनामा सबैभन्दा बढी प्रदेश ५ मा एक सय ४६ जनाले ज्यान गुमाएका छन् । त्यस्तै प्रदेश १ मा ८६, प्रदेश २ मा १ सय १० , प्रदेश ३ मा ७८, प्रदेश ४ (गण्डकी)मा ५९, प्रदेश ६ ( कर्णाली) मा ३४ जना र प्रदेश ७ (सुदूरपश्चिम)मा २५ जनाले ज्यान गुमाएका छन् । आइतबारको नागरिक दैनिकबाट