हामी सबैकाे संसारन्यूज

२४ कार्तिक , काठमाडौँ । मेगा बैंक नेपाल लिमिटेडले बैंक अफ दी एयर २०१९ अवार्ड पाएको छ । शनिवार लण्डनमा आयोजित कार्यक्रममा दी बैंकर्स म्यागजिनले उक्त अवार्ड मेगा बैंकका प्रमुख कार्यकारी अधिकृत अनुपमा खुञ्जेलीलाई प्रदान गरेको बैंकले जनाएको छ ।

९ वर्ष अघि स्थापना भएको यस बैंकको १० अर्ब ३८ करोड चुक्ता पुँजी रहेको भने बैंकको वासलात १०२ अर्ब रूपैयाँ बराबरको भएको छ । बैंकमा करिव ७९ अर्ब रुपैयाँ निक्षेप संकलन भएको छ । बैंकले सेयरधनीहरुलाई ११.७५ प्रतिशत नगद लाभांश दिने घोषणा गरेको छ । मेगा बैंकले आर्थिक वर्ष २०७५र७६ मा १ अर्ब ७१ करोड ९३ लाख रुपैयाँ मुनाफा आर्जन गरेको बताइएको छ ।

हाल १०२ वटा शाखा सञ्जाल रहेको मेगा बैंकको १९ वटा एक्टेन्शन काउन्टर, २५ सय भन्दा बढी मेगा रेमीट एजेण्ट र ११९ वटा शाखारहित बैंकिङ सेवा छन् । ६ लाख भन्दा बढी ग्राहकलाई बैकिङ सेवा दिदै आएको बैंकले जनाएको छ ।