हामी सबैकाे संसारन्यूज

२५ कार्तिक, ढाका ।  बङ्गलादेशमा बुलबुल नाम दिइएको आँधीका कारण आइतबार चारको मृत्यु भएको पुगेको बङ्गलादेशका अधिकारीहरूले बताएका छन् ।

करिब सय किलोमिटर प्रतिघण्टाको गतिमा शनिबार ८ः३० बजे पश्चिम बङ्गालबाट बङ्गलादेशको उत्तरपूर्वी क्षेत्रतर्फ आँधी आएको थियो । आँधीका कारण करिब तीन लाख मानिसलाई सुरक्षित स्थानतर्फ सारिएको छ ।

आँधीबाट पर्नसक्ने जोखिमलाई मध्यनजर गर्दै उनीहरू सुरक्षित स्थानमा सारिएको बङ्गलादेशी विपद् व्यवस्थापन मन्त्रालयले जानकारी दिएको हो । यद्यपि आइतबार परेको वर्षापछि बुलबुलको प्रभाव शान्न बन्दै गएको छ ।

मन्त्रालयले कूल १८ लाख मानिस बुलबुलको कारण प्रभावित बन्नसक्ने भन्दै उनीहरूलाई सुरक्षित स्थानमा सार्ने तयारी गरेको थियो । बङ्गलादेशको भोला, बरगुना, पटुवाखाली, बरिसाल, पिरोजपुर, जलकाठी, बागेरहाट, खुलना र सातखिरा जिल्लाका नागरिकलाई सुरक्षित स्थानमा सारिएको हो ।

बङ्गलादेशको मौसम विज्ञान विभागका अधिकारी डाक्टर अबुल कलाम मलिकले बुलबुल आँधीले आइतथबार नै बङ्गलादेशको दक्षिण पश्चिमी तटीय क्षेत्र पार गरिसकेको जनाए ।

पश्चिम बङ्गाल–खुल्ना तट पार गरिसकेको बुलबुल आँधी करिब सय किलोमिटर प्रतिघण्टाको गतिमा बङ्गलादेशको उत्तरपूर्वी क्षेत्रतर्फ अघि बढिरहेको अधिकारीले जनाएका छन् ।

बुलबुलका कारण भारतको पश्चिम बङ्गालका विभिन्न स्थानमा ६ जनाको मृत्यु भएको छ ।