हामी सबैकाे संसारन्यूज

२ मसिंर  , काठमाडौँ । सनराइज बैंकले सप्तरीको इनरुवामा शाखा विस्तार गरेको छ ।

आफ्नो ग्राहकलाई सेवा सुविधा दिने उद्देश्यले बैंकले देशको विभिन्न भागमा शाखा विस्तार गर्ने क्रममा इनरुवामा १२४ औं शाखा सञ्चालनमा ल्याएको विज्ञप्तीमा जनाइएको छ ।

आइतबार आयोजित कार्यक्रममा इनरुवा नगरपालिकाका प्रमुख राजन मेहता र सनराइज बैंकका प्रमुख कार्यकारी अधिकृत जनकराज शर्मा पौड्यालले उद्घाटन गरेका हुन् ।

त्यस्तै इनरुवा वडा नम्बर १ का वडाअध्यक्ष रामचन्द्र पोद्धार र इनरुवा उद्योग वाणिज्य संघका अध्यक्ष बिरेन्द्र शाहले संयुक्तरुपमा ए.टि.एम. को उद्घाटन गरेका थिए ।

उद्घाटन कार्यक्रममा बोल्दै पौड्यालले कृषि क्षेत्रलाई बैंकले सधै प्राथमिकतामा राख्दै आएको र आगामी दिनमा पनि प्राथमिकताका साथ अघि बढाउदै लैलाने बताएका थिए।

यो शाखासँगै बैंकले १२४ वटा शाखा, ३८ वटा शाखारहित बैंकिङ्ग सेवा, ८ वटा एक्सटेन्सन काउण्टर र १४५वटा ए.टि.एम मार्फत आफ्ना करिब ६ लाख ग्राहकहरुलाई सेवाप्रदान गर्दै आइरहेको बैंकले बताएको छ ।