हामी सबैकाे संसारन्यूज

२३ मंसिर, काठमाण्डौं । युएईमा कार्यरत एक नेपाली चेलीको निधन भएको छ ।  युएईको सारजहामा कार्यरत चितवनकी सुकमाया टमाटाको डिसेम्बर ५ मा मृत्यु भएको हो ।

चितवन आपटारीकी टमाटा डिसेम्बर ४ मा काम सकेर किनमेलका लागि बजार गएका बेला अचानक बेहोस् भएकी थिइन् । बेहोस् भएकी उनलाई आफू बस्ने कोठामा ल्याएका साथिहरुले उनी पुन बेहोस् भएपनि आजमानस्थित खलिफा अस्पतालमा पुर्याएका थिए । तर, अर्कोदिन बिहान ५ डिसेम्बरमा सुकमायाले संसार छाडेको डाक्टरहरुले घोषणा गरे ।

मुटुको समस्याले पीडित सुकमायाको हृदयघातबाट मृत्यु भएको उपचारमा संलग्न चिकित्सकहरुले जानकारी दिएको बताइएको छ ।

अर्कोदिन बिहान नेपाल फर्कने तयारीमा रहेकी टमाटाको अघिल्लो दिन मृत्यु भएको युएईमै रहेका उनका भाइ कमल टमाटाले संचारमाध्यमलाई जानकारी दिएका छन् ।

२ वर्ष अघि सारजहाको एक स्कुलमा हाउस किपिङका रुपमा युएईमा काम गर्न पुगेकी २३ वर्षीया टमाटाकी श्रीमान र ४ वर्षकी छोरी रहेको बताइएको छ ।

उनी एकमहिना अघिमात्र नेपाल आएर पुन : युएई फर्किएको र मुटुको समस्याले थलिएपछि पुन ः नेपाल फर्कन लागेको बताइएको छ ।

उनको शब नेपाल पठाउनका लागि दूतावासले पहल गरिरहेको बताइएको छ ।