हामी सबैकाे संसारन्यूज

२७ मंसिर, काडमाडौँ । नेपाली राष्ट्रिय टोलीका पूर्व कप्तान अनिल गुरुङ ब्रिगेड ब्वाइज क्लब (बीबीसी) मा अनुबन्धित भएका छन् ।

अनिल गुरुङ १५ वर्ष पछि पुनः बीबीसीमा फर्किएका हुन् । पोखराको सहारा क्लबबाट उत्पादित अनिल गुरुङले २०६२ सालमा ब्रिगेड ब्वाइज क्लबबाटै ए डिभिजन लिगको सुरुआत गरेका थिए । उनी थ्री स्टार क्लब हुँदै मनाङ मर्स्याङ्दीमा पुगेका थिए भने गतवर्ष थ्रीस्टारबाट खेलेका थिए ।

बीबीसीले पुर्ब राष्ट्रिय टिम कप्तान गुरुङ सहित बिजय गुरुङ र उत्तम गुरुङलाई अनुबन्ध गरेको छ । बीबीसलेले शुक्रबार पत्रकारसम्मेलनमार्फत यो कुराको जानकारी दिएको हो । शनिबारदेखि दशरथ रंगशालामा सुरु हुने सहिद स्मारक लिगमा बीबिसीले पहिलो खेल नै मच्छिन्द्र क्लबसँग खेल्ने छ ।

एन्फाले सार्वजनिक गरेको खेल तालिका अनुसार पहिलो खेलमा मछिन्द्र फुटबल क्लब र बीबीसी भिड्ने भएका छन् । पहिलो दिन एक खेल हुनेछ । दोस्रो दिनबाट दुई दुई खेल हुनेछ ।

पहिलो चरणको खेल तालिका :
मंसिर २८ : मछिन्द्र फुटबल क्लबविरुद्ध बिग्रेड ब्वाईज
मंसिर २९ : संकटा क्लबविरुद्ध च्यासल युथ क्लब
त्रिभुवन आर्मी क्लबविरुद्ध फ्रेन्ड्स क्लब
मंसिर ३० : सरस्वती युथ क्लबविरुद्ध न्युरोड टिम (एनआरटी)
एपीएफ क्लबविरुद्ध मनाङ मर्स्याङ्दी
पुस १ : थ्री स्टार क्लबविरुद्ध जावलाखेल युथ क्लब
नेपाल पुलिसविरुद्ध हिमालयन शेर्पा क्लब

फागुन ३ गते सकिने लिगमा १४ क्लबले प्रतिस्पर्धा गर्नेछन् । जसमा कुल ९१ खेल हुनेछ । हरेक राउण्डमा ७ खेल हुनेछ भने शीर्ष टोलीले उपाधि जित्ने छन् ।