Sansar News
मादल,
जो आएनी ठटाउँछ
कोहि सुर तालले बजाउँछ
कोहि आफ्नै तालले बजाउँछ
मादल,
ज–जस्ले पायो
उस्ले हिर्काउँछ बजाउँछ ।
सुर तालमा बज्यो
बेसुर बेतालमा पनि बज्यो
कहिले धनले बज्यो
कहिले कुर्सिले बज्यो
सधैं बजिरहयो यो मादल ।
धिन्ताङ्गसंगै
कुनै ढंग पुर्याएर नाँचे
कुनै आफ्नै सुर तालमा नाँचे
मादल
जो आएनी ठटाउँछ
हिर्काउँछ
आफ्नै तालले बजाउँछ ।
मादल
सधैं अरुकै आदेश अनुसार बज्यो
जस्ले जसरी हिर्कायो
त्यसरी दुख्दै रुँदै बज्यो
कहिले आफै मन लागेर बजेन
कहिले आफ्नोपनले बजेन ।
मादल,
जो जो आए
ज–जसले अवसर पाए
बेस्सरी ठटाए
बजाए हिर्काए ।
वि.सं.२०७६ मंसिर २८ शनिवार ०९:५८ मा प्रकाशित
