हामी सबैकाे संसारन्यूज

हाम्रो भूमि कदापि हुन्न अरुको नक्सा बनाई कन ।
नक्साकै भरले भए अब यहाँ कोरौं सबै भारत ।
फुट्दा देश विरक्त भो मन अझै लागेर आयो दया ।
चाँडै नै सरकार देश भरको नक्सा बनाऊँ नयाँ ।

हाम्रा सिक्किम लिम्पिया दशगजा काला र पानी पनि ।
हाम्रै हुन् उहिले अछाम अनि ती मेची र कोशी पनि ।
यस्तो सुन्दर देश यो प्रकृतिको खोजेर पाऊँ कहाँ ?
चाँडै नै सरकार देश भरको नक्सा बनाऊँ नयाँ ।

आएस् लड्न सिधै तमाम जनता भिड्छौं नभै कायर ।
गर्लास् भारतले विमान टहली आकाशको फायर ।
तेरो शक्ति भए भूमि सतहमै देखा लडेरै यहाँ ।
चाँडै नै सरकार देश भरको नक्सा बनाऊँ नयाँ ।

लोभी भारत होस् कठोर दिलको मिच्ने छिमेकी सधैं ।
राम्रा चीज भए सुटुक्क छलले सोरेर लाने सबै ।
हाम्रो उच्च हिमाल सान सबको खोजेर पाऊँ कहाँ ?
चाँडै नै सरकार देश भरको नक्सा बनाऊँ नयाँ ।

तेरो जीत भए जमीन दिउँला आएस् लडाइँ गरौं ।
माटो रक्त मुछेर वीर गतिले टीका लगाई मरौं ।
खेल्दा खेल छ देश यो विजयमा नेपाल हार्ला कहाँ ?
चाँडै नै सरकार देश भरको नक्सा बनाऊँ नयाँ ।
शार्दूलविक्रीडित छन्द