Sansar News
४ पुष, काठमाण्डौं । संसदको हिउँदे अधिबेशन आजदेखि सुरु हुने भएको छ । आज (शुक्रबार) ४ बजेदेखि सुरु हुने संसदको पाँचौ अधिबेशनले एकसाताभित्रै सभामुखको चयन गर्नेे बताइएको छ ।
आजदेखि सुरु हुने संसदको बैठकमा सभामुखको भूमिकामा उपसभामुख डा. शिवमाया तुम्बाहाम्फेले पूरा गर्ने बताइएको छ ।
सभामुख कृष्ण बहादुर महरा संसद सचिवालयकी कर्मचारीमाथि यौन दुव्र्यवहार आरोपमा पुर्पक्षका लागि थुनामा गएपछि रिक्त रहेको सभामुखपदको भूमिकामा डा तुम्बाहाम्फले संसदको काम कारबाही अगाडि बढाउँदै आएकी छन् ।
आजदेखि सुरु हुने हिउँदे अधिबेशनमा विगतमा बाँकी रहेका २५ भन्दा बढी बिधेयकमै छलफल गरिने संसद सचिवालयले जनाएको छ । सचिवालयका अनुसार यो अधिबेशन बिधेयक अधिबेशनका रुपमा अगाडि बढाइनेछ ।
वि.सं.२०७६ पुस ४ शुक्रवार ०९:१५ मा प्रकाशित
