Sansar News
६ पुस, काठमाडौँ । जिल्ला धनुषा, ईलाका प्रहरी कार्यालय , यज्ञभूमि धारापानीमा कार्यरत प्रहरी नायब निरीक्षक कालिचरण पंजियार घुस सहित पक्राउ परेका छन् ।
धनुषा, ईलाका प्रहरी कार्यालयमा कार्यरत प्रहरी पंजियारले सवारी दुर्घटनामा क्षतिपूर्ति दिलाई दिए बापत घुस माग गरिरहेको भन्ने सूचना एवं उजुरीको आधारमा अख्तियार दुरुपयोग अनुसन्धान आयोगको टोलीले जनकपुरधाम बस्ने विजयप्रसाद साहद्वारा सेवाग्राहीबाट १५ हजार घुस लिईसकेको अवस्थामा रंगेहात पक्राउ गरेको हो ।
पक्राउ परेका प्रहरी पंजियार र साहमाथि थप अनुसन्धान भइरहेको अख्तियारले जनाएको छ ।
वि.सं.२०७६ पुस ६ आइतवार १३:११ मा प्रकाशित
