Sansar News
७ पुष । अमेरिकाको भर्जिनियाको विलियम्सबर्ग नजिकै आई ६४ को पश्चिमपट्टि गल्लीमा एकैपटक ६९ गाडीहरु एकापसमा ठोकिएका छन् ।
फक्सन्यूज डटकमले समाचारमा जनाए अनुसार दुर्घटना आइतबार बिहान ७.१५ बजे भएको हो । उक्त दुर्घटनामा कम्तीमा पनि ५१ जना व्यक्ति घाइते भएको जनाइएको छ ।
उक्त दुर्घटना हिउँका कारण कारण भएको प्रहरी स्रोतलाई उद्दत गर्दै समाचारमा जनाइएको छ । दुर्घटनाको समयमा, क्वीन्स क्रिक ब्रिजमा बरफ थियो र भारी कुहिरोले क्षेत्र ओगटेको थियो । एक पछि अर्को गरि गाडीहरु एक आपसमा ठक्कर दिन पुगेका थिए ।
बरफ र कुहिरोका कारण दुर्घटना भएको हुन सक्ने सुरुको अनुमान भएपनि यकिन कारण बारे भने थप अनुसन्धान गरिने उल्लेख छ ।
घाइतेहरुको अस्पतालमा उपचार भैरहेको छ । दुर्घटनामा दुईको अवस्था गम्भिर भएको, ११ जनाको उपचार भैरहेको र अन्य भने सामान्य उपचारपछि घर फर्किएको प्रहरी स्रोतले जनाएको छ ।
वि.सं.२०७६ पुस ७ सोमवार ०९:३० मा प्रकाशित
