हामी सबैकाे संसारन्यूज

९ पुस, काठमाडौँ । हालै यशराज फिल्मले ‘बन्टी और बबली –२’ को घोषणा गरेको छ । जसमा ठगको रुपमा देखिने भएका छन् सैफ अली खान र रानी मुखार्जी ।

सन् २००५ मा प्रदर्शन भएको चलचित्र ‘बन्टी और बबली ’ को सिक्वेल बनाउने कुरा लामो समयसम्म चर्चामा रह्यो र हालै यसको सिक्वेल बन्ने घोषणा गरिएको हो । उक्त चलचित्रको सिक्वेलमा खान र मुखार्जी सिनियर ठकको भूमिकामा देखिँदै छन् भने सिद्धान्त चतुर्वेदी र सरवरीको जोडी लिड रोलमा देखिने बताइएको छ ।

वरुण शर्माले निर्देशन गर्ने उक्त चलचित्रमा खानले अभिषेक बच्चनलाई रिप्लेस गरेका छन् । यो फिल्मका लागि अभिषेक बच्चन निर्माताको पहिलो प्राथमिकतामा थिए तर बच्चनले फिल्ममा काम गर्न अस्वीकार गरे पछि उक्त फिल्ममा खानले प्रवेश गरेका हुन् ।

हाल बन्दै गरेको ‘बन्टी और बबली –२ को लागि खान र मुखार्जी दुवै उत्साहित भएका छन् भने खानले यो फिल्मसँग जोडिन पाएकोमा आफू खुशी भएको व्यक्त गरेका छन् । ११ वर्षपछि एक साथ देखिँदै गरेका खान र मुखार्जीको पछिल्लो फिल्म २००८ मा आएको ‘थोडा प्यार थोडा म्याजिक’ रहेको बताइएको छ ।