Logo
२१ आश्विन २०७९, शुक्रबार
     Fri Oct 7 2022
E-paper
  English Edition
   Unicode
Logo

न्यायाधीश विरुद्धको उजुरी तामेलीमा राख्ने निर्णय



२१ मङ्सिर,काठमाडौँ  । व्यवस्थापिका–संसद्, महाभियोग सिफारिस समितिले सर्वाेच्च अदालतका न्यायाधीश डा आनन्दमोहन भट्टराईविरुद्ध परेको महाभियोगसम्बन्धी उजुरीलाई तामेलीमा राख्ने निर्णय गरेको छ ।

न्यायाधीश भट्टराईविरुद्ध सांसद हरिचरण शाह, रामकुमार राई र रुक्मिणी चौधरीले महाभियोग लगाउन गत भदौ २१ गते व्यवस्थापिका–संसद् सचिवालयमा उजुरी दर्ता गराउनुभएको थियो ।

समितिको आजको बैठकले महाभियोगका लागि लगाइएको आरोपको गाम्भीरता, संविधानको भावना र संसद् नियमावलीमा भएको व्यवस्था अनुरुप नरहेको जनाउँदै यो विषयपछि समेत थप कारबाही नगर्ने गरी तामेलीमा राख्ने निर्णय गरेको हो ।

संविधानको गम्भीर उल्लङ्घन गरेको, कार्यक्षमताको अभाव भएको, पदीय दायित्वको पालना नगरेको तथा आचारसंहिता उल्लङ्घन गरेकोे खण्डमा मात्र महाभियोग लगाउने प्रावधान रहेकोमा न्यायाधीशविरुद्ध परेको उजुरीबाट त्यो पुष्टि नभएको निष्कर्षसहित बैठकले त्यससम्बन्धी विषयलाई खारेजी गर्ने निर्णय गरेको हो ।

मुलुकको शिक्षा क्षेत्रमा भएका केही कमीकमजोरीसँग जोडिएको विषयमा सर्वाेच्च अदालतमा उजुरी गराउन जाँदा तत्कालीन रजिस्टारले गरेको दरपीटको पक्षमा न्यायाधीश भट्टराईले निर्णय सुनाउनु भएपछि उहाँहरु महाभियोगको मार्गतर्फ लाग्नुभएको थियो । रासस


यो खबर पढेर तपाईलाई कस्तो महसुस भयो ?

काठमाडौं । नेतृ गंगा चौधरीले एमाले छाडेकी छिन् । उनले आगामी निर्वाचनमा स्वतन्त्रबाट उम्मेदवारी

काठमाडौं । पाँच दलीय सत्ता गठबन्धनबाट जनता समाजवादी पार्टी (जसपा) अलग भएको छ ।

काठमाडौं । अविरल वर्षापछि झरेको पहिरोका कारण काठमाडौंको चन्द्रागिरीमा एकै परिवारका तीनजनाको मृत्यु भएको

अमेरिका । अमेरिकाको भर्जिनियास्थित मनासस शहरमा गाडीले ठक्कर दिंदा एक नेपालीको मृत्यु भएको छ