हामी सबैकाे संसारन्यूज

माटोमा अम्लीयपना बढ्नुका साथै तापक्रम वृद्धिको असरका कारण फूल फुल्ने र बाली पाक्ने समयमा समेत परिवर्तन आउन थालेपछि यस्तो समस्या देखिएको वन तथा वातावरणको क्षेत्रमा काम गर्ने व्यक्तिले बताएका छन् ।

म्याग्दीका ज्यामरुककोट, शिख, हिस्तान, भकिम्ली लगायतका क्षेत्रमा रहेका लालुपातेका बोटमा अहिलेसम्म फूल फुलेको छैन । “यो लालुपातेका रूखमा फूल फुलेर राताम्यै देखिनुपर्ने हो, तर अहिले त पात मात्र देखिन्छन्, फूल फुलेकै छैन”, ज्यामरुककोटका नरबहादुर थापाले भन्नुभयो ।

जिल्ला कृषि विकास कार्यालय, म्याग्दीका अनुसार जिल्लाको माटोमा अम्लियपनाको मात्रा बढ्दै गएको छ । माटोमा अम्लियपना बढेका कारण जिल्लामा बाली पाक्ने र फूल लाग्ने समय समेत पछि धकेलिँदै गएको हुनसक्ने जिल्ला वन कार्यालय, म्याग्दीका सहायक वन अधिकृत एवम् वातावरणविद् चन्द्रमणि सापकोटाले बताउनुभयो । रासस