Sansar News
२४ पुष, काठमाण्डौं । प्रिमियर इन्स्युरेन्स कम्पनी लिमिटेडको प्रमुख कार्यकारी अधिकृतमा विश्व तिमिला नियुक्त भएका छन् ।
बीमा क्षेत्रमा झण्डै ४ दशक व्यतित गरिसकेका तिमिला पुष २२ देखि प्रिमियर इन्स्युरेन्सको प्रमुख कार्यकारी अधिकृतमा नियुक्त भएका हुन् ।
कम्पनीको संचालक समितिले तिमिलालाई कम्पनीको प्रमुख कार्यकारी अधिकृतमा नियुक्त गर्नका लागि विमा समितिमा पठाइएको सिफारीसलाई समितिले पुष १७ मा स्वीकृति प्रदान गरेसँगै तिमिला प्रमुख कार्यकारी अधिकृतमा नियुक्त भएका हुन् ।
यसअघि नेको इन्स्युरेन्स कम्पनीको प्रमुख कार्यकारी अधिकृतको रुपमा जिम्मेवारी सम्हालिसकेका तिमिलाले २०३७ सालदेखि ओरियन्ट इन्स्युरेन्स कम्पनीको बजार अधिकृतबाट आफ्नो क्यारियर सुरु गरेका थिए ।
तिमिलाले २०५३ मा नेको इन्स्युरेन्सको वरिष्ठ प्रवन्धकको रुपमा प्रवेश गरेर २०७२ देखि ०७६ जेठ सम्म प्रमुख कार्यकारी अधिकृतको कार्यभार सम्हालेका थिए ।
बीमा समितिले जारी गरेको ‘बीमंकको संस्थागत शुसासन निर्देशिका २०७५’ बमोजिम कुनैपनि बीमकको प्रमुख कार्यकारी अधिकृच उक्त वीमकको सेवाबाट निवृत्त भएको ६ महिनाको अवधि पूरा नभएसम्म अर्को वीमकको प्रमुख कार्यकारी अधिकृतमा नियुक्त हुन नपाउने प्रावधान रहेको र निजको सो अवधि २०७६ मसिर मसान्तमा पूरा भएको समेत इन्स्युरेन्सले जनाएको छ ।
वि.सं.२०७६ पुस २४ बिहीवार १७:२१ मा प्रकाशित
