हामी सबैकाे संसारन्यूज

बुढो शरीर
थरथर काम्दो हात खुट्टा
लौरीको सहारामा
सकि नसकि जीवन उभ्याई रहेछु
कसैले दिएको खायर
आँशु संगै हातमुख जोडी
एक मुट्ठी प्राण धानि रहेछु
सकिदो रहेनछ चाँहेर मर्न
मरि मरि जीवन जीई रहेछु
जीउनुको अर्थ नै बिर्सीसके
अविरल आँशु संगै बाँचि रहेछु
मेरो त जीवन वरदान नभै
जीवननै अभिशाप बनिरहेछ
लौरीको सहारा र आँशुको भरमा
एक मुट्ठी प्राण अड्की रहेछ
हे ईश्वर ! नदेउ जीवन कसैलाई
मायालु पूष्पहरूबाटै अपहेलित
कसैले दिएको खाएर
आँशु संगै जीउनु भन्दा
हे भगवान ! देउ बरू मृत्युको बरदान
गरिरहेछु प्रार्थना हरक्षण हरपल
पाउनेछन मुक्ति तिम्रा भक्तहरूले
हाँसि हाँसि भन्नेछु अल विदा
हुनेछन तिम्रा अनगिन्ती भक्तहरू
छन् यहाँ अनगिन्ती म जस्ता अभिशापीहरू

(मन्दिरमा भेटहुनु भएको बृद्ध पितासँग कुराकानीमा आधारित)