Sansar News
प्रेम आलापमा फुल्दछन् जिन्दगी
प्रेमकै बातमा भुल्दछन् जिन्दगी ।
प्रेम हो प्रेमता प्रेम नैं आखिर
हैन खाएजसो दैनिकी जागिर ।।
प्रेम यो फूल हो प्रेम नैं पात यो
प्रेम माया र सद्भावको हात हो ।
टिप्नु यो हुन्न है चुड्नु यो पाप हो
प्रेम न्यानोछ घामको ताप यो ।।
प्रेमलाई घृणा गर्नु त्यो मुर्खता
मुर्खकै जालमा पर्नु त्यो मुर्खता
हुन्न है सुन ए ! प्रेमका शिक्षक
बन्नु त्यो हुन्न रे रक्षकै भक्षक ।।
प्रेम अन्धो बने रोशनी हर्दछ
घाम हो प्रेमता रापले मर्दछ ।
हैन धोखा घृणा हैन है प्रेम यो
प्रेम आराधना साधना प्रेम हो ।।
वि.सं.२०७६ माघ ४ शनिवार ११:२१ मा प्रकाशित
