हामी सबैकाे संसारन्यूज

६ माघ, काठमाडौं । प्रतिनिधिसभाको सोमवार बसेको दोस्रो बैठक सभामुखको निर्वाचत मिति तय गर्दै स्थगित भएको छ । प्रतिनिधिसभाका ज्येष्ठ सदस्य महन्थ ठाकुरको अध्यक्षतामा अपराह्न ४ बजे बसेको बैठकले प्रतिनिधिसभाको सभामुख पदका लागि माघ १२ गते निर्वाचन गर्ने तय गरेको हो ।

ठाकुरले शुरुमा उपसभामुख शिबमाया तुम्बाहाङफेले पदबाट राजीनामा दिएको पत्र पढेर सुनाएका थिए । त्यसपछि उनले माघ १२ गते सभामुख पदको निर्वाचन गर्ने गरी निर्वाचन तालिका सार्वजनिक गर्न संघीय संसदका महासचिव मनोहर प्रसाद भट्टराईलाई निर्देशन दिए ।

ठाकुरले प्रतिनिधिसभाको अर्को बैठक माघ १२ गते दिनको ३ बजे बस्ने गरी सोमवारको बैठक स्थगित भएको घोषणा गरे ।