हामी सबैकाे संसारन्यूज

१२ माघ, सर्लाही । सर्लाहीको धनकौलस्थित अन्नपूर्ण चिनी उद्योगले मौज्दात चिनी निकासी गर्न लागेपछि स्थानीय र जनप्रतिनिधिले अवरोध गरेको छन् ।

किसानको बाँकी रकम भुक्तानी नगरी उद्योगले प्रशासनको सहयोगमा गत वर्ष उत्पादन गरेको सात करोड मूल्य बराबरको चिनी निकासी गर्न लागेपछि शनिबार जनप्रतिनिधिको अगुवाइमा स्थानीय किसानले अवरोध गरेका हुन् ।

चिनी ढुवानी रोक्न किसान र जनप्रतिनिधि उद्योगको मूलगेटमा धर्नामा बसेका छन् । उद्योगले चिनी लैजान ट्रक ल्याएको थाहापाएपछि स्थानीय किसान उद्योग परिसरमा जम्मा भएका थिए ।

उद्योग व्यवस्थापनले गोदाममा रहेको चिनी लोड गर्न लागेपछि प्रदेश सांसद वीरेन्द्रप्रसाद सिंह, धनकौल गाउँपालिकाका अध्यक्ष रामआश्रय साहसमेत उद्योगको मूलगेटमा धर्ना बसेका छन् । आइतबारको नयाँ पत्रिका दैनिकबाट