हामी सबैकाे संसारन्यूज

नारायणगढबाट बेसीशहर जाँदै गरेको बस र पोखराबाट काठमाडौं आउँदै गरेको माइक्रो आपसमा ठोक्किदा १९ यात्रु घाइते भएका छन् । घाइतेमध्ये ३ जना सिकिस्त रहेको अबुखैरेनी प्रहरी बिटका इन्चार्ज बुद्धि प्रसाद सुबेदीले संसार न्युजलाई बताए ।

ना ४ ख ६३५७ नम्बरको बसका चालकलाई प्रहरीले नियन्त्रण्मा लिएको छ । बसले ओभरट्याक गर्दा बा ३ ख ४२०१ नम्बरको माईक्रोलाई ढक्कर दिएको थियो । माइक्रोको चालकलगायत २ जनाको अवस्था चिन्ताजनक रहेको प्रहरीले जानकारी दिएको छ ।

आबुखैरेनीको नारीघाटमा बिहान १०:३० मा यो दुर्घटना भएको थियो । दुर्घटनाका घाइतेहरुलाई उपचारको लागि पुरानो मेडिकल कलेज चितवन पठाईएको प्रहरी इन्चार्ज सुबेदीले जानकारी दिए ।