हामी सबैकाे संसारन्यूज

काठमाडौँ । प्रेम दिवस अर्थात ‘भ्यालेन्टाइन डे’ हरेक वर्षको १४ फेब्रुअरी मा विश्वभरी नै उत्साहको साथ मनाइने गरिन्छ ।

फेब्रुअरी महिनालाई प्रेमको महिना मानिन्छ । प्रेम दिवस आउनु भन्दा एक हप्ता अगाडी बाट नै प्रेम उत्सव सुरु हुन्छ । र, १४ फेब्रुअरी यानीकी ‘प्रेम दिवस’ युवायुवतीले एकआपसमा प्रेम प्रकट गर्ने दिन, आफूले मन पराएको केटा वा केटीलाई प्रेम प्रस्ताव राख्ने दिन । लामो समय देखि आफूले मन पराएको व्यक्तिलाई मायाको प्रस्ताव राख्न प्राय मान्छेहरु प्रेम दिवसलाई पर्खने गर्छन र त्यहि दिनको मौका पारेर प्रेम प्रस्ताव राख्ने गर्छन ।

यस दिवसलाई उत्साहका साथ मनाएपनि धेरैलाई थाहा नहुन सक्छ यो दिन किन र कसरी मनाउन सुरु गरियो भनेर यसको यथार्थ काहानी यस्तो छ । “तेस्रो शताब्दीको अन्त्यतिर रोमबाट प्रारम्भ भएको यस ‘भ्यालेन्टाइन डे’ को इतिहास लाई फर्कर हेर्दा पादरी सेन्ट भ्यालेन्टाइनको वलिदानसँग सम्बन्धित छ । तत्कालीन रोमन सम्राट् क्लाउडियस द्वितीयले युवा प्रेम र विवाहतिर लागे सैनिक सेवा प्रभावित हुन्छन् भन्ने ठानेर यसलाई प्रतिबन्ध लगाएका थिए । तर भ्यालेन्टान भने सम्राट्को निर्णयलाई धर्मविरुद्ध भन्थे ।

उनले सम्राटको उर्दीको विपरित लुकिछिपी जोडीहरूलाई बिहे गराइदिन थाले । एक कान, दुई कान हुँदै यो कुरा सम्राटको कानसम्मपुग्यो । भ्यालेन्टाइनलाई पक्राउ गरियो र जेलमा थुनियो । जेलरकी छोरी उनलाई भेट्न जेलमा आइरहन्थिन् । झुण्ड्याइनु अघि उनले “Love from your Valentine” भनि हस्ताक्षर गरी एउटा नोट ती महिलालाई दिए । भ्यालेन्टाइनलाई ई. पू. २७० को फेब्रुअरी १४ तारिखका दिन झुण्ड्याइयो । विश्वास गरिन्छ कि उनले ती महिलालाई प्रेमका बारेमा दिएको लिखतबाट भ्यालेन्टाइन्स डेका दिन आफ्नो सन्देश लेखेर दिने चलन चलेको हो । उनलाई मृत्युदण्ड दिएको दिनमा भ्यालेन्टाइन्स डे मनाउन थालिएको हो ।”

प्रेमका लागि प्राण उत्सर्ग गर्ने उनै पादरीको सम्झनामा भ्यालेन्टाइन डे मनाउन थालिएको हो । विश्वभरि नै यस दिनलाई उत्सवको रूपमा मनाउने गरिन्छ । यसलाई अनेक प्रतीक र बिम्बमा अभिव्यक्त गरिन्छन र गरिएका छन् । धेरै पहिलेदेखि रातो गुलाफलाई प्रेमको प्रतीक मानिन्छ । भ्यालेन्टाइन डे मा सबैभन्दा धेरै प्रयोग हुने वस्तु गुलाफको फूल नै हो । त्यसैले सम्पूर्ण युवायुवतीले रातो गुलाफ आदानप्रदान गरेर एक आपसमा प्रेम पकट गर्ने गर्दछन् ।

माया गर्ने हरेक मनहरुलाई प्रेम दिवसको शुभकामना । यो प्रेमसप्ताहको हरेक दिन स्मरणिय बनोस् । प्रेमिल महिना फेब्रअरी मायाले भरियोस् । सम्पूर्णमा प्रेम दिवसको शुभकामना ।