हामी सबैकाे संसारन्यूज

चेन्नई, ११ दिसेम्वर २०१६ । भारतको चेन्नाईमा नेपालीहरुले नेपालको संबिधान संसोधन प्रस्तावको बिरोधमा बिरोधसभा गरेका छन् । प्रवासी नेपाली संघ भारत तथा मुल प्रवाह अखिल भारत नेपाली एकता समाजको संयुक्त आयोजनामा गरिएको उक्त विरोध कार्यक्रम मुलप्रवाहका दयाराम खनालको अध्यक्षता तथा प्रवासी नेपाली संघका दुर्गादत्त पौडेलको सञ्चालनमा सम्पन्न भएको थियो ।

सो अवसरमा प्रवासी नेपाली संघका केन्द्रीय सचिव कृष्ण पालुवा सहित केन्द्रीय नेताहरु बेलदास चापगाई, टिका पौडेल, महेन्द्र शर्मा र मुल प्रवाहका केन्द्रीय उपाध्यक्ष देवबहादुर लामिछाने सहित केन्द्रीय नेताहरु महेन्द्र बस्याल, याम प्रसाद शर्मा, मदन शर्मा, मोहराज शर्मा तथा नेपाली जनसम्र्पक समितिका डि कृष्ण आर्चय र बिद्यार्थी नेता बिक्रम के सी को आतिथ्यता रहेको थियो ।
बक्ताहरुले देशमा प्रचण्ड नेतृत्वको सरकारले राष्ट्रियता र सार्वभौमिकता मा आंच आउने गरि ल्याएको संबिधान संसोधन प्रस्ताव गलत भएको टिप्पणी गर्दै ०४६ र ५९र ६३ सालको जनआन्दोलनमा समेत प्रवासी नेपालीहरु एक भएर ऐकबद्ध आन्दोलनको स्मरण गरेका थिए ।