हामी सबैकाे संसारन्यूज

काठमाडौँ । नेपाली सिने जगतकी अहिलेकी चल्तीकी अभिनेत्री आँचल शर्मा यहि फागुनमा विवाह गर्ने भएकी छन् ।

उनले आफ्ना प्रेमी डा.उदिप श्रेष्ठसँग फागुन महिनाको २९ गते विवाह गर्ने भएकी हुन् । एक वर्ष देखिको प्रेम सम्बन्धलाई विवाहमा परिणत गर्न लागेकी शर्माले चलचित्र ‘नाई नभन्नु ल ४’ बाट आफ्नो अभिनय यात्रा सुरु गरेकी हुन् । चलचित्र सँगै उनले धेरै म्युजिक भिडियो पनि खेलेकी छन् ।
एक विश्वसनिय स्रोतका अनुसार उनका परिवारले विवाहका लागि बुढानिलकण्ठमा रहेको होटल पार्क भेन्यु बुक गरेको छ । त्यस्तै, बौद्ध स्थित होटल हायतमा शर्मा र श्रेष्ठले आफ्नो रिसेप्सन पार्टी दिन लागेको बताइएको छ ।

नायिका शर्माको एक समय अभिनेता पल शाहसँग प्रेम सम्बन्धमा रहेको कुरा चर्चामा थियो । तर, यो कुरालाई नकार्दै आफूहरु मिल्ने साथीमात्र रहेको कुरा स्पष्टिकरण दिँदा दिँदै हैरान भएकी शर्माले अन्ततः प्रेमी उदिप श्रेष्ठसँग सम्बन्धमा रहेको कुरा सार्वजनिक गरेकी थिइन् । उनका प्रेमी पेशाले डाक्टर हुन् ।