हामी सबैकाे संसारन्यूज

३ फागुन, काठमाण्डौं । खुल्ला प्रतिश्पर्धाबाट सरकारी विद्यालयको शिक्षक बन्न चाहानेले दुई सय पूर्णाँकको परीक्षा दिनु पर्ने भएको छ । यस्ता विद्यालयका लागि शिक्षक सेवा आयोगले परीक्षाको पाठ्याक्रम संशोधन गरेको छ ।

यसअघि एक सय पूर्णाँकमात्रै रहेको पाठ्यक्रमलाई दुई सय पूर्णाँकमा बनाइएको हो । आयोगका अध्यक्ष ताना गौतमले नयाँ पाठ्याक्रमबाठ परीक्षा दिएर आउने शिक्षक विगत भन्दा धेरै प्रतिश्पर्धी हुने बताए ।

नयाँ व्यवस्थाले विषयगत रुपमा खारिएका व्यक्ति मात्र शिक्षक बन्ने आयोगको विश्वास रहेको शनिबारको अन्नपूर्णपोष्ट दैनिकमा समाचार छ ।

नयाँ पाठ्यक्रम अनुसार परीक्षा सञ्चालन हुँदा पहिलो पत्रमा सामान्य ज्ञान सम्बन्धी परीक्षा दिनु पर्दछ । यो परीक्षामा सामान्य ज्ञान, भूगोल, इतिहास, सामाजिक व्यवस्था, आर्थिक, वातावरण विज्ञान लगायतका विषयसँग सम्बन्धीत प्रश्न सोधिनेछ । यो सवै वस्तुगत बहुवैकल्पिक हुनेछन् ।

दोश्रो खण्डमा विषयगत प्रश्न सोधिनेछ । यो खण्डमा जुन विषयमा प्रतिश्पर्धा गर्न लागिएको हो त्यससँग सम्बन्धीत विषयमा मात्र प्रश्न सोधिने छ । यहाँ विश्लेषणात्मक प्रश्न मात्र सोधिने आयोगले जनाएको छ ।

आयोगले लामो समयको तयारी पछि नयाँ पाठ्य पुस्तक बनाएको हो । पहिलो खण्डको परीक्षामा सफल हुने उम्मेदेवारलाई मात्र दोश्रो परीक्षामा सामेल गराइने अयाोगले जनाएको छ ।