हामी सबैकाे संसारन्यूज

४ फागुन , काठमाडौँ । सरकारले चीनको हुबेई प्रान्तबाट १७५ नेपालीहरूलाई उद्धार गरेर नेपाल ल्याइएको छ ।
कोरोना भाइरस संक्रमणको उच्च जोखिममा रहेका उनीहरूलाई नेपाल वायु सेवा निगमको वाइडबडी विमानबाट आइतबार बिहान करिव साढे तीन बजेतिर काठमाडौं ल्याइपुर्याइएको हो ।

उद्धार गरिएकामा १७० जना विद्यार्थी, एक जना कामदार तथा २र२ जना पर्यटक तथा बालबालिका रहेका छन् । वुहानमा रहेका नेपालीलाई लिन नेपाल एयरलाइन्सको ए ३३० वाइडबडी विमान चार स्वास्थ्यकर्मी, तीन पाइलट, ६ क्रु९मेम्बर, एक इन्जिनियर, एक प्राविधिक र एक डिस्पास्चर गरी १६ चिकित्सकसहितको टोली चीन गएको थियो । निगमको एयरबस ३३० शनिबारै अपरान्ह चीनतर्फ उडेको थियो ।

नेपाल फर्किन दूतावासमा निवेदन दिएकामध्ये १० जना चीनमै रोकिएका छन् । बेइजिङस्थित नेपाली दूतावासको अनुसार चार जनाले उतै बस्ने जनाएका छन् । फर्किन तयार ६ जनामा शरीरको तापक्रम बढी देखिएपछि आउन पाएनन् । कोरोना भाइरसको कुनै पनि लक्षण तथा संक्रमण नभएको पुष्टि भएकालाई मात्रै नेपाल फर्काइएको हो ।फर्किन नपाएकाहरुलाई वुहानमै क्वारेन्टाइनमा चिकित्सकीय निगरानीमा राखिनेछ ।कोरोना भाइरसको संक्रमण चीनभर फैलिएपछि हुबेईमा रहेका १८५ जना नेपालीले घर फर्कन बेइजिङस्थित नेपाली दूतावासमा निवेदन दिएका थिए ।