Sansar News
२० फागुन, साउदी । साउदीले पहिलो पटक आफ्ना एक नागरिकमा कोरोना भाइरस भेटिएको पुष्टि गरेको छ ।
इरान गएर बहराईन हुँदै साउदी प्रवेश गरेका एक साउदी नागरिकमा कोरोना भाइरस संक्रमण भेटिएको साउदीको स्वास्थ्य मन्त्रालयले जनाएको छ ।
मन्त्रालयले आफ्नो ट्विटबाट उक्त घोषणा गर्दै ती व्यक्तिलाई अस्पतालको आइसोलेसनमा राखिएको बताएको हो । ती व्यक्तिले अरब प्रवेश गर्ने क्रममा आफू इरानबाट आएको बताएका थिएनन् ।
साउदीका मेडियाहरुले स्वास्थ्य मन्त्राललाई उद्धृत गर्दै भनेका छन्–संक्रमित व्यक्तिसँग सम्पर्कमा आएका अन्य मानिसलाई छुट्टै राखेर उनीहरुको स्वास्थ्य परीक्षण गरिएको छ । साउदी अबरले गत हप्ता राज्यमा कोरोना भाइरस संक्रमण रोक्नका लागि विविध कार्यक्रमहरु गरेको बताएको थियो ।
साउदीले कोरोना भाइरसको संभावित खतराबाट बच्नका लागि २५ अस्पताल र ८ हजार शैथ्या तयार गरेको बताइएको छ ।
साउदीले अफगानिस्तान, अजरवैजान, चीन, हङकङ, इन्डोनेशिया, इरान, इटाली, जापान, कजाकिस्तान, मकाउ, मलेशिया, मकाउ, पाकिस्तान, पिलिपिन्स, सिंगापुर, सोमालिया, दक्षिण कोरिया, सिरिया, ताइवान, थाइल्याण्ड, उज्बेकिस्तान, भियताम र यमनलगायतका देशका नागरिकलाई साउदी प्रवेशमा तत्कालका लागि रोक लगाएको पनि बताइएको छ । photo-AP
वि.सं.२०७६ फागुन २० मंगलवार १२:३१ मा प्रकाशित
