हामी सबैकाे संसारन्यूज

२१ फागनु । एनएमबी बैंकले नेप्सेमा सूचिकृत कम्पनीका शेयरधनीहरुले नगद लाभांस प्राप्त गर्नका लागि निम्न प्रक्रिया अपनाउन आफ्ना ग्राहकहरुलाई अनुरोध गरेको छ ।

पहिलो चरणमा शेयरधनीहरुले हितग्राही(डिम्याट) खाता खोली आफूले खाता खोलेको निक्षेप सदस्य (डिपी) को मा गएर आफ्नो प्रमाणपत्र डिम्याट गराई सकेपछि हितगाह्री खातामा अनिवार्य बैंक खाता अद्यावधिक गराउने ।

दोस्रो चरणमा डिम्याट गराइसकेको तर हितग्राही खातामा बैंक खाता अद्यावधिक नभएको शेयरधनीले निक्षेप सदस्यकोमा गएर बैंक खाता अद्यावधिक गराउने ।

तेस्रो चरणमा शेयरधनीहरुको हितग्राही खातामा अद्यावधिक भएको बैंक खातामा लाभांश वितरणको सूचना जारी भएपछि लाभांश बापतको रकम आइपिएसमार्फत साधारणतया ३ दिनदेखि १५ दिनभित्रमा सोही खातामा स्वतः प्राप्त हुने ।

चौंथो चरणमा साधारणतय बैंक खाता अद्यावधिक गरेको बढीमा १५ दिनभित्र नगद लाभांश खातामा जम्मा हुने हुँदा सो नभएमा शेयरधनीले आफूले खाता खोजेको निक्षेप सदस्यमा गई आफ्नो बैंक खाताको विवरण रुजु गर्ने । फरक भेटिएमा सच्याउने र सोही रहेता पनि बैंक खातामा जम्मा नभएको खण्डमा मात्र सम्बन्धित कम्पनीको शेयर रजिष्टार कम्पनीमा सम्पर्क गर्न अनुरोध गरिएको छ ।

शेयरधनीहरुले हितग्राही खाता खोल्न तथा नगद लाभांश प्राप्त गर्न एनएमबी क्यापिटल लिमिटेड नागपोखरी काठमाडौँ वा आफूलाई पायक पर्ने एनएमबी बैंकको कुनै पनि शाखामा हितग्राही खाता खोल्न र सुलभ सेवा सुविधा प्राप्त गर्न पनि बैंकले अनुरोध गरेको छ ।