Sansar News
२२ फागुन,अमेरिका। अमेरिकामा कोरोना भाइरस (कोभिड–१९) का कारण मृत्यु हुनेको संख्या ११ पुगेको छ ।
हालैको ताजा जानकारी अनुसार वाशिंगटन राज्य भन्दा बाहिर क्यालिफोर्नियामा पनि २ जनाको मृत्यु भएको यो पहिलो घटना सार्वजनिक भएको छ ।
हाल सम्म १३ वटा राज्यमा १ सय ४९ जना संक्रमित भएको अन्तराष्ट्रिय संचारमाध्यम सिएनएनले जनाएको छ । क्यालिफोर्नियामा मात्र १३ जना संक्रमित भएका छन् । क्यालिफोर्नियाका स्वास्थ्य अधिकारीहरुले समुदायलाई सावधान हुन् अनुरोध गरेका छन् । एक जना बृद्ध व्यक्ति मेक्सिको गएर आएपछि उनको मृत्यु भएको हो तर उनको नाम सार्वजनिक गरेको छैन ।
उनको स्वास्थ्य स्थिति त्यति ठिक नभएको संचार माध्यमले जनाएका छन् । सम्भवत उक्त व्यक्तिले गत फेब्रअरी ११ देखि २१ सम्म गरेको जहाज यात्रामा भाइरस(बिषाणु)भएको हुन् सक्ने अनुमान गरिएको छ ।
न्युयोर्कको वेस्ट चेस्टरमा १ हजार जना आफै अस्पतालको पृथक कक्ष(क्वारेनटाईन )मा बसी रहेका छन् । ११ जना मध्ये ९ जनाको निधन वाशिंगटन राज्यमा मात्र भएको थियो भने थप २ को मृत्यु वाशिंगटन राज्य बाहिर हुन् गएको छ ।
वि.सं.२०७६ फागुन २२ बिहीवार ०७:५२ मा प्रकाशित
