Sansar News
काठमाडौँ । जमैकाकी ‘मिस वल्र्ड २०१९’ विजेता टोनी उन सिंह नेपाल आएकी छन् । उनी आज बिहिबार विहान त्रिभुवन विमानस्थलमा अवतरण गरेकी छन् ।
तीन दिनको भ्रमणका लागि नेपाल आएकी सिंहलाई मिस नेपाल २०१९ अनुष्का श्रेष्ठले स्वागत गरेकी थिइन् । सिंहसँग मिल वल्र्ड आयोजकका अध्यक्ष जुलिया मार्ले र निर्देशक स्टिभ डग्लसमेत नेपाल आएका छन् । उनी हिडन ट्रिजर तथा पर्यटन मन्त्रालयसँगको समन्वयमा नेपाल आएकी हुन् ।
नेपालमा रहँदा उनले सिन्धुपाल्चोकदेखि मकवानपुरसम्मको यात्रा गर्नेछिन् । उनी शुक्रवार सिन्धुपाल्चोकको हेलम्बु गाउँपालिकामा निर्माणाधिण हिमालयन ग्रेट ट्रेल अवलोकनका लागि पुग्ने कार्यक्रम रहेको छ ।
उनले हेलम्बुकै सोस्लिङमा रहेको मिस नेपाल अनुष्काको प्रोजेक्टसमेत अवलोकन गर्नेछिन् त्यस्तै उनी पूर्व मिस नेपाल श्रृखंला खतिवडाको प्रोजेक्ट अवलोकल गर्न मकवानपुर जाने कार्यक्रम रहेको छ ।
वि.सं.२०७६ फागुन २२ बिहीवार १२:५५ मा प्रकाशित
