हामी सबैकाे संसारन्यूज

२४ फागुन । केही दिनअघि  प्रधानमन्त्री केपी शर्मा ओलीको नीजि बेबसाइट www.kpsharmaoli.com मा अश्लिल चित्रहरु पोष्ट भएपछि त्यो सनसनी समाचार बनेको थियो । प्रधानमन्त्रीको वेवसाईट ह्याक गरि कसैले पोर्न तस्विरहरु राखेको थियो । अहिले त्यस्तै गरी प्रधानमन्त्रीलाई मृर्गौला दान गरेर चर्चित बनेकी समिक्षा सङ्ग्रौलाको नाममा कसैले फेक टिव्टर सञ्चालन गरेको देखिन्छ । १९ घण्टा अघि पोष्ट गरिएको देखिने उक्त टिव्टरमा आफूले कुनै आर्थिक प्रलोभनमा परेर मृगौला दिएको भनि आएका भनाइप्रति चित्त दुखाइ गरिएको छ ।

आफूले मृगौला दान गरेको कुरालाई केही व्यक्तिहरुले आर्थिक प्रलोभनसँग जोडेर हल्ला गरेको भन्दै चित्त दुखाइ गरिएको देखिन्छ । कतै समिक्षाले नै लेखेकी त होइनन् भन्ने भान पर्ने गरी हल्ला बारे स्पष्ट पार्दै आफू कुनै आर्थिक प्रलोभनमा नपरेको स्पष्ट पारिएको छ । समिक्षाले मृगौला दान गर्नुअघि भनिएको ‘मैले ओलिको लागि होइन नेपालको भोलिको लागि मिर्गौला दान गरेकी हुँ’ कुराको पनि उल्लेख गरिएको छ ।
टिव्टरमा लेखिएको छ ‘मृगौला दानपछि हाल अस्पतालमै उपचारार्थ रहेकी उनले ‘चाडपर्वमा टीका लगाएर ५०–६० दिनु होला बेग्लै कुरो भो नत्र कुनै किसिमको प्रलोभनमा म परेकी छैन भनी सबैलाई यहि ट्विटबाट जानकारी गराउछु ।’

मिर्गौला दान गर्दा आर्थिक प्रलोभन भयो भनेर केही ले हल्ला गर्नु भएछ।मैले ओलिको लागि होइन नेपालको भोलिको लागि मिर्गौला दान गरेकी हु।चाडपर्व मा टीका लगाएर ५०/६० दिनु होला बेग्लै कुरो भो नत्र कुनै किसिमको प्रलोभन मा म परेकी छैन भनी सबैलाई यहि ट्विट बाट जानकारी गराउछु। धन्यवाद

— समिक्षा सङ्ग्रौला (@syanku1121) March 6, 2020