हामी सबैकाे संसारन्यूज

२५ फागुन, काठमाडौँ । ग्वार्काेस्थित दृष्मा ओभरसियज प्रालिले पोल्याण्ड पठाइदिने नाममा ११ सयलाई ठगी गरेको अभियोगसहित दायर मुद्दामा ललितपुर अदालतमा तीनसय जनाको बकपत्र चलिरहेको खबर अन्नपूर्ण पोस्ट दैनिकमा छापिएको छ ।

सञ्चालकले उनीहरुबाट करिब १० करोड रुपैयाँका लिएको दाबी पीडितको छ । दृष्माका सञ्चालक समितिमा रहेका १० जनाविरुद्ध गतवर्ष मुद्दा परेको थियो । तीनजनालाई प्रहरीले पक्राउ गरे पनि १० जना फरार छन् ।

यो मुद्दामा यतिवेला जिल्ला अदालत ललितपुरमा पीडितको बकपत्र चलिरहेको छ । जिल्ला अदालतका श्रेस्तेदार नागेन्द्र कालाखेतीका अनुसार पीडित, प्रतिवादी र साक्षीसहित कम्तिमा तीनसय जनाको बकपत्र चलिरहेको छ । शुक्रबारदेखि सुरु भएको बकपत्र २२ गतेसम्म चल्ने कालाखेतीले जानकारी दिए ।