हामी सबैकाे संसारन्यूज

२७ फागुन, काठमाडौं । गोरखाको सौरपानीमा जीप दुर्घटनाका घाइतेलाई काठमाडौं ल्याइएको छ । गम्भीर घाइते भएका चारजनालाई हेलिकोप्टरबाट उद्धर गरिएको हो। घाइते बिमला गुरुङ, रमा गुरुङ, क्षेत्रकुमारी गुरुङ र सुकमाया गुरुङलाई माउण्टेन एयरको हेलिकोप्टरबाट काठमाडौं ल्याइएको थितयो । उनीहरुलाई उपचारका लगि ग्रिनसिटी हस्पिटलमा राखिएको छ ।

बारपाक सुलीकोट ४ रञ्चोकबाट गोरखा सदरमुकामका लागि छुटेको बा १५ च १०१६ नम्बरको जीप मंगलबार बिहान सात बजे छहरेखोलाको भीरबाट खस्दा जीपमा सवार ११ जना घाइते भएका थिए ।

जिल्ला ट्राफिक प्रहरी कार्यालय गोरखाका अनुसार बिमला गुरुङ, रमा गुरुङ, वुद्ध गुरुङ, श्रीमान गुरुङ, क्षेत्रकुमारी गुरुङ, टेकमाया गुरुङ, सनिता गुरुङ, सुकमाया गुरुङ, विनोद गुरुङ, राजकुमारी गुरुङ र जीप चालक आनन्द गुरुङ घाइते भएका हुन् । उनीहरुमध्ये बिमला, रमा र क्षेत्रकुमारी र सुकमायाको अवस्था गम्भीर रहेको ट्राफिक प्रहरी प्रमुख सुकबहादुर विकले जानकारी दिए ।