हामी सबैकाे संसारन्यूज

५ चैत, काठमाण्डौं । सरकारले अत्यावस्यक काम बाहेक बाहिर ननिस्कन आव्हान गरेको छ ।

विश्वभरी फैलिएको कोरोना भाइरस संक्रमणको रोकथाम तथा नियन्त्रणका लागि तयारी गरिरहेको सरकारले नागरिकलाई अत्यावस्यक काम बाहेक बाहिर ननिस्कन आव्हान गरेको हो ।

बुधबार बसेको कोरोना भाइरस संक्रमणको रोकथाम तथा नियन्त्रण उच्चस्तरीय समन्वय समितिको बैठकले अत्यावस्यक कामबाहेक बाहिर हिँडुडल नगर्न आव्हान गर्दै सार्वजनिक यातायातमा सिट क्षमता भन्दा यात्रु नराख्न समेत आग्रह गरेको छ ।

त्यस्तै बैठकले धार्मिक तथा सार्वजनिकस्थलमा २५ जना भन्दा बढी भेला हुन नदिने निर्णय समेत गरेको बताइएको छ ।

यसअघि सोमबार बसेको उच्चस्तरीय समितिको बैठकले उपत्यकामा मात्रै १ हजार आइसोलेसन वार्ड बनाउने, बीस हजार थान सेफ्टी किट (पर्सनल प्रोटेक्सन इक्विप्मेन्ट) , दश हजार डाइग्नोस्टिक किट तथा एक हजार थान थर्मल गन खरिद गर्ने , संक्रमितहरुको उपचारमा खटिने स्वास्थ्यकर्मीलाई भत्ता दिइने निर्णय समेत गरेको थियो ।

कोरोना भाइरसविरुद्ध लड्ने सरकारको यस्तो तयारी, स्वास्थ्यकर्मीलाई भत्ता, १ हजार आइसोलेटेड बेड बनाइने