हामी सबैकाे संसारन्यूज

सुस्मिता शर्मा,६ चैत, काठमाण्डौं । प्रतिनिधिसभाका सभामुख अग्निप्रसाद सापकोटा र राष्ट्रियसभाका अध्यक्ष गणेश प्रसाद तिमिल्सीनाका बीच द्धन्द्ध बढेर गएको छ ।

दुईबीचको बढ्दो द्धन्द्धकै कारण संसदीय समितिका सभापतिसँगको बैठक स्थगन हुन पुगेको छ । संसदीय कामकारबाहीलाई चुस्त र समन्वयतात्मक बनाउन सभामुखले संसदीय समितिका सभापतिको बैठक आयोजना गरेका थिए । तर सो बैठकमा अध्यक्ष तिमिल्सीनाले आफू पनि नआउने र आफूले भनेको मान्ने अर्थात् पूर्वएमाले सम्बद्य सभापतिहरुलाई पनि नजाने निर्देशन दिएकाले सभामुख सापकोटो सो बैठक सार्न बाध्य भएको बताइएको छ ।

‘यो द्धन्द्ध सामान्य संयोगका रुपमा मान्न हुँदैन’ संसदीय कामकारबाहीका एक जानकारले संसारन्युजलाई भने । सभामुख पूर्वमाओवादी पृष्ठभूमिको मात्र नभएर कार्यकारी अध्यक्ष भनिएका प्रचण्डबाट १ नम्बर रोजाइमा परेका व्यक्ति भएको तथा गणेश तिमिल्सीना पनि पुराना वरिष्ठ हरुलाई पाखा लगाउँदै ओलीद्धारा छानिएका व्यक्ति भएकाले नेतृत्वको मनोबैज्ञानिक टकराव संसदीय प्रक्रियामा देखिन पुगेको छ ।

करारमा रहेका १२ कर्मचारीको म्याद थप्ने वा नथप्ने विषय, कार्यबाहक महासचिवको नियुक्तिमा सापकोटाको प्रस्ताव र संसदीय समितिका सभापतिको बैठक सहमति विना बोलाएको जस्ता विषय अध्यक्ष तिमिल्सीनाका तर्फबाट उठेका छन् भने सापकोटाको सभामुख चयनसँगै अध्यक्ष गणेश तिमिल्सीनाको असहयोग, सभामुख बस्दै आएको बालुवाटारको निवास लिन गरिएका तिकडम र दुई सदन बीचको समन्वयमा भएका लज्जाजनक छुच्याइहरु सभामुखका समर्थकले उठाएका छन् ।  संसद सचिवालय सुत्र भन्छ ‘माथिको टकराव’ ले संसदीय कामकारबाहीमा असर पुगेको छ ।’