हामी सबैकाे संसारन्यूज

७ चैत, जापान । पश्चिम जापानको कान्साईमा पछिल्ला दिनमा कोरोना भाइरस कोभिड–१० बढीरहेको भन्दै एनआरएनए कान्साईमा पूर्वअध्यक्ष तथा लेखक नरेन्द्र वस्नेत दिनेशले सबैलाई सजग हुन अनुरोध गरेका छन् ।

विश्वभरी फैलिएको कोरोना भाइरस जापानमा पनि फैलिएको र पश्चिम जापानको कान्साई विशेषत जापानको ठूलो औद्योगिक शहर ओशाका र कोबेमा विस्तारै फैलिरहेको छ भन्दै उनले सबै नेपालीलाई सजग रहन अनुरोध गरेका हुन् ।

अप्रिल ३ सम्ममा ओसाका र कोबे गरी ३ हजार ३७४ संक्रमित र २२७ जना गम्भीर विरामी पुग्न सक्ने अनुमान विज्ञहरुले गरेको पनि बस्नेतले बताएका छन् ।

‘कान्साइमा कोरोनाको भय बढ्दै, सजग रहौ, सचेत रहौ !

कोरोना भाईरस कोभिड १९ पछील्लो केही दिनबाट पश्चिम जापानको कान्साइ बिशेषत जापानको दोश्रो ठुलो औधोगिक शहर ओसाका र कोबेमा तिब्रस्तरमा फैलिरहेको छ । ओसाकाको एक लाइभ हाउसबाट फैलिन शुरु भएको कोरोनाले ऐले बिशेषत ओसाका र कोबेलाई आक्रान्त पारिरहेको छ । जापानी संचार माध्यमहरुका अनुसार आजबाट शुरु भएको तीन दिने बिदामा ओसाका र कोबे बिचको आवतजावत बिशेष परिस्थिती बाहेक नगर्नको लागि ओसाकाको गभर्नरले अनुरोध गरेका छन् ।
बिज्ञ हरुको अनुसार अप्रिल ३ सम्ममा ओसाका र कोबे गरी संक्रमित ३३७४ र गम्भिर बिरामी २२७ पुग्न सक्ने अनुमान गरेकोले यस्तो परिस्थिती आउन नदिनको लागि सम्पुर्णमा सजग रहन अनुरोध गरिएको छ ।’ बस्नेतले सामाजि संजाल फेसबुकमा लेखेका छन् ।