हामी सबैकाे संसारन्यूज

१२ चैत, काठमाण्डौं । नेपालमा कोरोना भाइरस संक्रमित व्यक्तिको संख्या ३ पुगेको छ ।

बुधबार स्वास्थ्य मन्त्रालयले टेकुमा उपचाररत एक व्यक्तिमा कोरोना भाइरस पोजेटिभ देखिएको जानकारी दिएको हो ।

उनी खाडी मुलुकबाट आएको पनि मन्त्रालयले जनाएको छ । उनी कहाँ बसेका थिए र को–कोसँग सम्पर्कमा रहेका थिए भन्ने बारेमा मन्त्रालयलयले केही समयमा विस्तृत विवरण दिइने जनाइएको छ ।

अहिलेसम्म पहिलोपटक चीनबाट फर्किएका एक युवामा भाइरस संक्रमण देखिएको थियो । उनी अहिले निको भइसकेका छन् भने गत चैत ४ गते फ्रान्सबाट दोहा हुँदै नेपाल आएकी एक १९ वर्षीया युवतीमा पनि संक्रमण देखिएको थियो । उनी अहिले टेकुको आइसोलेसनमा उपचाररत छन् ।