हामी सबैकाे संसारन्यूज

१३ चैत, काठमाण्डौं । प्रमुख प्रतिपक्षी दल नेपाली कांग्रेसले विदेशमा रहेका नेपालीहरुलाई आफुँ सुरक्षित रहन र अरुलाई पनि सुरक्षित राख्न अपिल गरेको छ ।

नेपाली कांग्रेसका महामन्त्री रहेका पूर्वपरराष्ट्रमन्त्री डा. प्रकाश शरण महतले पार्र्टीको तर्फबाट आधिकारीक अपिल गर्दै सो अनुरोध गरेका हुन् ।
‘हामी अहिले असहज अवस्थामा छौं । एउटा अदृश्य शत्रुले हामीलाई र सारा मानवजातिलाई आक्रमण गरिरहेको छ । यसलाई सामना गरेर परास्त गर्नु हामी सबैको पहिलो कर्तव्य भएको छ ।

मानव स्वास्थ्यमा पुर्याएको असर, व्यवसाय तथा जनजीवनमा पुर्याएको गम्भीर क्षतिप्रति सजग हुँदै यो महामारीबाट बच्न र नियन्त्रण गर्न आ–आफ्ना सिकाई र अनुभवहरु संप्रेषण गर्न जरुरी भएको छ । यो कठिन अवस्थाको धैर्यतापूर्वका र सावधानीपूर्वक सामना गर्दै आफु सुरक्षित रहन र अरुलाई पनि सुरक्षित राख्न विदेशमा रहेका नेपाली समुदायलाई हार्दिक अनुरोध गर्दछु ।

यो महामारी विरुद्धमा जुट्न र मानवमात्रको सेवा गर्ने काममा अग्रसर हुन संसारभरी क्रियासील जनसम्पर्क समितिहरुमा हार्दिक अपिल र्गछु ।’