Sansar News
१३ चैत्र । विश्वभर फैलिरहेको कोरोना भाइरस(कोभिड १९) नेपालमा फैलन नदिन सरकारले १ हप्ताका लागि देशभर लकडाउन गरेको छ । विभिन्न स्थानीय तहले पनि कोरोना प्रभावको रोक्न आ–आफ्नो तरिका अपनाएका छन् ।
यसैक्रममा पर्वत जिल्लाको विहादी गाउँपालिकाले विदेशबाट आफ्नो पालिकामा आउने व्यक्तिहरुको विवरण सार्वजनिक गरेको छ ।
विहादी गाउँपालिकामा १४ दिनभित्र विदेशबाट आएका व्यक्तिहरुको विवरण जिल्ला प्रशासन कार्यालयलाई पठाइएको अध्यक्ष कमलप्रसाद भुसालले जानकारी दिए ।
विवरणमा जनाइअनुसार विहादी वडा नं १ मा ३ जना, वडा नं २ मा ५ जना, वडा नं ३ मा ८ जना, वडा नं ४ मा ११ जना, वडा नं ५ मा ६ जना र वडा नं ६ मा ५ जना रहेका छन् ।
विवरणमा व्यक्तिको नाम, आएको मिति, आएको देश, सम्पर्क नम्बर र उमेर समेत खुलाइएको छ ।
वि.सं.२०७६ चैत १३ बिहीवार १८:१८ मा प्रकाशित
