हामी सबैकाे संसारन्यूज

१.
तिमीले धोका दिए पनि, सडकमा रुदै हिँड्नु भएन
ब्यर्थ दुःखी बनेर, दुनियाँको पाउँ छुदै हिँड्नु भएन
कसरी हुन्छु म अपवाद, हजारौ छन पिरती छुटेका,
नौलो घटना घटे जस्तो, म पागल हुदै हिँड्नु भएन ।

२.

धैर्यता कायम राख्नुस्, एकदिन सफलता मिल्नेछ
यात्रामा हुन्छ अलिकति कठिन, सफलता मिल्नेछ
जिन्दगी हो ठेस लाग्छ, ठक्कर लाग्छ चिन्ता नगर्नु,
यत्तिकै मुहार नबाउनुस् मलिन, सफलता मिल्नेछ ।

३.

पूरा गर्नै नसक्नेले,कसैलाई बचन नदिनु
सकेसम्म पराईलाई, आफनो मन नदिनु
अरे यार अचेल, दुनियाँको भर कत्ति हुन्न,
यहाँ हितैषी ठानी कसैलाई धड्कन नदिनु ।

४.
तिम्रो लागि उस्ले आशुले आँखा धुदैन अचेल
तन छुनै हतार गर्छ, मन छुने कुरा हुदैन अचेल
मैले मानवता हरायो भनेर यसकारण भन्या हुँ ,
किनकी मान्छेकै पिडामा, मान्छे रुदैन अचेल ।

५.
यो चालाले कसरी, दिन काटिन्छ जस्तो लाग्छ
महामारीले सारा बिश्व, मासिन्छ जस्तो लाग्छ
केहि शक्तिशाली देशहरुले, घुँडा टेक्या देख्दा,
अरे ! हामी नेपाली, कति बाँचिन्छ जस्तो लाग्छ ।