हामी सबैकाे संसारन्यूज

२८ मार्च । बेलायतको हिथ्रो बिमानस्थलमा काम गर्ने बुबा र छोरीको कोरोनाभाइरसबाट निधन भएको छ ।

हीथ्रो बिमानस्थलमा कार्यरत एक ६१ बर्षका अध्यागमन अधिकारी र उनकी फर्मासिस्ट छोरीको ३३ बर्षमा कोरोना भाइरसबाट मृत्यु भएको हो । ती बाबुछोरीको मृत्यु २४ घण्टा बीचमा भएको बेलायती दैनिक पत्रिका ‘द सन’ ले जनाएको छ ।

टर्मिनल तीनमा कार्यरत सुधीर शर्माको बुधवार र फार्मसिस्ट छोरी पूजा शर्माको निधन भएको हो ।
जनवरी पहिलो सात देखि बिमानस्थलमा काम थालेका शर्मालाई कोरोनाभाइरसले काम भन्दा बाहिरबाट लागेको दावी विमानस्थलको छ ।

उनको निधन अत्यन्त दुखद् भएको इमिग्रेसन अफिसरहरुले बताएका छन् । उनीहरुका अनुसार शर्मा मायालु व्यक्ति थिए ।

शर्माको अन्त्येष्टिमा कोहि जान नमानेपछी स्थिति भयावह भएको बताइएको छ । पश्चिमी लन्डनको होन्स्लोका सुधीर अन्य रोगद्वारा समेत पिडित भएको बताएको छ ।

उनकी छोरी पुजा पूर्वी ससेक्सको ईस्टबोर्न डिस्ट्रिक्ट जनरल अस्पतालमा काम गर्थिन् । पूजाले भाइरसबाट ज्यान गुमाउनु अघि तीन दिनसम्म चिकित्कसको निगरानीमा उपचारत थिइन् ।

उनीहरु बेलायती थिए वा अन्य मुलुकका भन्ने खुलाएको छैन ।