हामी सबैकाे संसारन्यूज

विजय थापा, १६ चैत, अमेरिका । चीनको वुहानबाट सुरु भएर संसारका झण्डै २०० देखि पुगिसकेको कोरोना भाइरस कोभिड-१९ ले अमेरिकाको न्यूयोकमा मात्र २०० नेपाली संक्रमित भएको आशंका गरिएको छ ।

न्यूयोर्कमा मात्रै करीब २ सय र न्यूजर्सी शहरमा झण्डै २० जना नेपालीहरुलाई कोरोना भाइरस भएको हुन सक्ने आशंका स्थानीय सामाजिक संघ संस्थाहरुले अनुमान गरेका छन् ।

जस अनुसार न्यूयोर्कको एउटा अस्पतालमा ११ जना, अर्कोमा १२ जना र अर्कोमा ७ जना गरी कम्तिमा २०० जना नेपाली कोभिड–१९ बाट संक्रमित अर्थात् पोजिटिभ भै अस्पताल भर्ना भएको बुझिएको छ ।

न्यूयोर्कका समाजसेवी जीवन बम र चर्चित फोटो÷भिडियोग्राफर शम्भु मोक्तानले छुट्टाछुट्टै रुपमा आफूहरुलाई कोरोना भाइरस संक्रमित भएको कुरा सार्वजनिक हितको लागि खुलासा गरेका छन् ।

शम्भू मोक्तानको स्वास्थ्यमा क्रमिक सुधार भै रहेको बुझिएको छ भने दुई जना भेन्टिलेटरमै रहेका छन् । शम्भु मोक्तान जुइस अस्पतालमा र जीवन बम माउन्ट सनाई अस्पताल न्यूयोर्कमा छन् ।

चिकित्सकहरुको भनाई अनुसार कोभिड–१९ लागेका ९०–९५ प्रतिशत मानिसलाई निको हुन्छ त्यसैले डराउने भन्दा पनि आत्मबल बढाएर चिकित्सकको सल्लाह अनुसार सतर्कता अपनाउन जरुरी छ ।

नाम नबताउने ३० जना नेपाली एल्मष्ट, माउन्ट सनाई र जुइस गरी ३ अस्पतालहरुमा भएको बुझिएको छ । न्यूयोर्कमा ज्वरो नाप्ने थर्मो्मिटर स्यानिटाइजर र आईसोलेसनको कमि भएको छ ।