हामी सबैकाे संसारन्यूज

२५ चैत्र, भारत । मुम्बईको एक अस्पतालमा २६ नर्स र ३ डाक्टर कोरोनामा पोजेटिभ देखिएको छ ।

वोकहार्ट अस्पतालका नर्स तथा डाक्टर नै संक्रमित भएपछि अस्पताललाई प्रतिबन्धित क्षेत्र घोषित गरिएको छ । अस्पताललाई प्रतिबन्धित क्षेत्र घोषणा गरिएसँगै कोही पनि बिरामी उपचारका जान पाएका छैनन् भने भित्र रहेका कोही पनि बाहिर आउन अनुमति पाउने छैनन् । अहिलेसम्म सबै कर्मचारीको परीक्षण को रिपोर्ट नआइपुगेको र रिपोर्ट आएप्छि अस्पतालका बारेमा प्रशासनले फैसला लिने बताइएको छ ।

समाचार एजेन्सी पीटीआईका अनुसार सोमबार १२० वटा नयाँ घटनाहरू आएका छन् र यसै गरी राज्यमा संक्रमित व्यक्तिको कुल संख्या साँझ ७ बजेसम्म ८६८ पुगेको छ।

मुम्बईमा संक्रमणका कारण ४५ जनाले ज्यान गुमाइसकेका छन् भने गतसाँझ मात्र एक निजी अस्पतालमा ६५ वर्षीय एक बिरामीको मृत्यु भएको छ ।

राज्य सरकारले महाराष्ट्रको मन्त्रालयमा आउने सबै कर्मचारी, अधिकारी तथा अन्य आगान्तुकका लागि मास्क लगाउनै पर्ने नियम बनाएको छ ।

अस्पतालमा उपचारर्थ भर्ना एक एक संक्रमित बिरामीबाट नर्सहुँदै सबै कर्मचारीमा फैलिएको बताइएको छ ।