हामी सबैकाे संसारन्यूज

२५ चैत, साउदी । साउदी अरबस्थित नेपाली दूतावासले साउदीद्धारा जारी कर्फ्यूका बारेमा जरुरी सूचना जारी गरेको छ ।

दूतावासले साउदी अरबमा फैलिएको कोरोना भाइरसको संक्रमण रोक्ने उद्देश्यस्वरुप चैत २६ (अप्रिल ८) , बुधबारबाट लागू हुने गरी २४ घण्टे कर्फ्यू लागू भएका शहरहरु बाहेक साउदी अरबका बाँकी सम्पुर्ण शहर तथा क्षेत्रहरुमा समेत कर्फ्यूको समयावधि बढाएर हरेक दिन दिउँसो ३ बजेदेखि भोलिपल्ट बिहान ६ बजेसम्म कायम भएको साउदीको गृह मन्त्रालयले जानकारी दिएको दूतावासले जनाएको छ ।

दूतावासले उक्त क्षेत्रमा रहने नेपालीहरुले कर्फ्यूको समयको पूर्ण पालना गर्न अनुरोध गर्दै साउदी सरकारले तोकेका स्वास्थ्य सम्बन्धी अपवाद र स्थानीय अधिकारीहरुले अनुमति दिएको अत्यावश्यक सेवा बाहेक कुनैपनि बहानामा बाहिर ननिस्किन पनि सचेत गराएको छ ।