हामी सबैकाे संसारन्यूज

१
धैर्यता र प्रतिक्षा,
जीवनका कसीहरु ।
जति घोट्यो उति चम्किलो !!

२
एउटै सृष्टिकर्ता,
लक्ष्य परनिर्भरता !
बढ्दै गयो किन शत्रुता ?

३
नारी छौ एक मात्र !
काम बाहिर र भित्र।
विभिन्न स्वरूप कि पात्र ।

४
खुस्किएको बन्धन,
सभ्यताको घोडा दौड़,
कुल्चिदियो सबै संस्कार।

५
संगीत माथि पौडी !
साहित्य भित्र डुबुल्की !
सुगम यात्रा जीवनको ।

६
सृष्टिको संरचना,
संरक्षण गर्न भुल्यो ।
आफैं दण्ड भोग्दैछ मान्छे !

७
हर्षित थिए सबै
रुँदै जन्मिएको क्षण
हाँस्न पाउँदा ईर्ष्या बढ्यो ।

८
बाटो भरी तघारो,
आफ्नै घर पुग्न गार्हो,
न घर न घाटको पार्यो।

९
विवेकशील मान्छे,
जात धर्म भिन्न भन्छौ ।
पाठ सिक कोरोना सँग !