हामी सबैकाे संसारन्यूज

२१ बैशाख, काठमाण्डौं । नेपालमा शनिबार (बैशाख २१ सम्म) ६३ हजार २०२ जनामा कोरोना परीक्षण गरिएको छ । जसमा पछिल्लो २४ घण्टामा १ हजार ४७५ जनामा परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

मन्त्रालयका अनुसार आजसम्म पिसीआर प्रविधिबाट १३ हजार ४०४ र आरडिटी प्रविधिबाट ४९ हजार ७८८ जनामा परीक्षण गरिएको हो ।

प्रदेश विवरण
त्यसैगरी प्रदेश नं १ मा ५ हजार ४९८, प्रदेश नं २ मा ५ हजार ७०९, बाग्मती प्रदेशमा ८ हजार ५१५, गण्डकी प्रदेशमा ५ हजार ८३४, प्रदेश नं ५ मा ४ हजार ४९२, कर्णाली प्रदेशमा ५ हजार ५६७ र सुदूरपश्चिम प्रदेशमा १४ हजार ७२ जनामा आरडिटी प्रविधिबाट परीक्षण गरिएको हो ।

क्वारेन्टाइनमा रहनेको संख्या
हाल सातै प्रदेशमा विभिन्न क्वारेन्टाइनमा २१ हजार ९५१ जना रहेका छन् । जसमा प्रदेश नं १ मा २ हजार ६१८, प्रदेश नं २ मा १ हजार ३३७, बाग्मती प्रदेशमा ४४०, गण्डकी प्रदेशमा ६२६, प्रदेश नं ५ मा १० हजार ६६७, कर्णाली प्रदेशमा ३ हजार ७८ र सुदूरपश्चिम प्रदेशमा ३ हजार १८५ जना रहेको स्वास्थ्य मन्त्रालयले आइतबारको नियमित पत्रकार सम्मेलनमा जानकारी दिएको छ ।

आइसोलेसन र रेडजोनमा
त्यसैगरी हालसम्म आइसोलेसनमा ७७ जना रहेका छन् । जसमा उपत्यकामा ४ जना र बाहिरका अस्पतालमा ७३ जना रहेका छन् । साथै आजसम्म रेडजोन (संभावित संक्रमति) मा रहेकाको संख्या ३२१ पुगेको छ । उनीहरुको कन्ट्याक ट्रेसिङ कार्य भइरहेको बताइएको छ ।

त्यसैगरी आज पर्सा र नेपालगन्जमा थपिएका १० जनासहित आजसम्म कूल संक्रमतिको संख्या ६९ पुगेको छ भने १६ जना निको भएर घर फर्किइसकेका छन् । जसमा पुरुष ५५ र महिला १४ जना रहेका छन् ।

उनीहरुको रुपन्देही १, नेपालगन्ज १, धनगढी १, भरतपुर १, विरगन्ज ९ र विराटनगर अस्पतालमा ३१ जना गरेर जम्मा ४४ जनाको उपचार भइरहेको छ । उनीहरुको अवस्था सामान्य रहेको मन्त्रालयले जानकराी दिएको छ ।  त्यसैगरी आज संक्रमण भेटिएकालाई नेपालगन्जको अस्पतालमा उपचार गरिने बताइएको छ ।

नेपालमा आजमात्रै १० जनामा कोरोना संक्रमणको पुष्टि, संक्रमितको संख्या ६९ पुग्यो