हामी सबैकाे संसारन्यूज

अब कुरो गरौं क्षत्री भाईको,
सुर्खेतका क्षत्री भाइ आफ्नो कम्पनीमा कसैलाई कोरोना पोजिटिभ देखिएको भरमा टेस्ट गरे, उनलाई नि पोजिटिभ नै देखियो र क्वारेन्टाइनमा आए। करीव डेढ महिना दिन भई सकेर उनको चार टेस्ट भएछ। शुरुको दुई टेस्ट पोजिटिभ देखिएको उनको तेस्रो रिजल्ट भने नेगेटिभ आयो। र उनले चौंथो टेस्टपनि दिई सके अर्थात् अबको रिजल्टपनि नेगेटिभ आएमा उनी आफ्नो कम्पनीमा जान पाउने छन्। तर यो कुराले उनी कत्ती खुशी छैनन्।

मलाई अचम्म लागेर सोधें यो साँघुरो घेरमा बस्नुभन्दा त यहाँबाट निक्लिनु राम्रो होईन र ? गज्जबको उदाहरण दिंदै उनले भने “बाहिर भनेको वनमा चराउन लगेको बाख्राको बथान् जस्तै हो गोठबाट वन अनि फरक्कै फर्केर गोठ” उनले थप्दै भने “बाहिर हामी सुरक्षित छैनौं, बाहिर भय छ, डराएर बाँच्नु पर्छ, त्यसैले मलाई केही समय यहिं बस्न मन छ, मलाई पोजिटिभ रिजल्ट नै आए हुन्थ्यो भन्ने लाग्छ।”
क्षत्री झैं धेरैको तर्क क्वारेन्टाइन मात्र सुरक्षित स्थान हो, जहाँ शंका छैन डर छैन र कुनै खतरा छैन।

क्षत्री भाईको झैं मलाई नि लाग्दैछ साँच्चै क्वारेन्टाइन भन्दा सुरक्षित स्थान अन्त छैन।

९ मे,कतार,  

कोहि लामो समय बस्दा नि खुशी, कसैलाई पोजिटिभ आएर चिन्ता, कसैलाई नेगेटिभ नै नआईदियोस् भन्ने सोच।
राष्ट्रका गफ नि हुन्छन् यहाँ, समाज र परिवारको चिन्ता नि हुन्छ यहाँ। कालोबजारी नि चल्छ। भनिन्छ जहाँ बंगलादेशी त्यहाँ स्मग्लिंङ हुन्छ नै। सुर्तीको पोको ८० रियाल, चुरोटको प्याकेट ५० रियाल।