हामी सबैकाे संसारन्यूज

१ जेठ, काठमाण्डौं । नेपालमा कोरोना संक्रमतिको संख्या २५० पुगेको छ । आज (विहिबार) विहान थप ७ जनामा कोरोना संक्रमणको पुष्टि भएको छ ।

स्वास्थ्य तथा जनसंख्या मन्त्रालयका अनुसार राष्ट्रिय जनस्वास्थ्य प्रयोगशाला टेकुमा गरिएको परीक्षणमा सर्लाही धन्कौल नगरपालिका निवासी ४५ वर्षीय पुरुष, धनुषा जनकपुर नगरपालिका र मिथिला नगरपालिकाका ४० वर्षीय पुरुष र २० वर्षीया महिला, महोत्तरी जलेश्वर नगरपालिका र बलवा नगरपालिकाका १६ र ३५ वर्षीय पुरुष रहेका छन् ।

त्यस्तै काठमाण्डौं चन्द्रागिरी निवासी ३२ वर्षीय पुरुष र कपिलवस्तु निवासी ६ वर्षीया बालिकामामा कोरोना संक्रमण भएको पुष्टि भएको हो । उनीहरुको अवस्था सामान्य रहेको पनि स्वास्थ्य मन्त्रालयले जनाएको छ ।