हामी सबैकाे संसारन्यूज

१४ मे । प्रवासी नेपाली (प्रने) संघ भारत जालन्धर नगर समितिले स्टोभ पड्किएर जलेका बालकको उपचारका लागि सहयोग गरेको छ।

प्रने संघ जालन्धर नगर समितिका अगुवाहरुले भारु ५ हजार अस्पतालमै पुगेर उपचाररत बालकका आफन्तलाई बुझाएका छन् ।

प्रवासी संघ राज्य सदस्यहरु शंकर प्रसाद गैरे, शान्ता शर्मा र प्रारम्भिक समिति सदस्य दीपक छन्तेलले पसरिचा हस्पिटल जालन्धरमा पुगि परिवारसँग भेट्नुका साथै नगद रकम सहयोग गरेका हुन् ।

पन्जाब राज्यको जालन्धरलाई कर्मभूमी बनाएका बाग्लुङ ५ स्थायी निवासी ज्ञानवहादुर वि.क का ७ वर्षिय छोरा कृष्ण बि.क टाण्डा जालन्धरस्थित आफ्नै कोठामा जलिरहेको स्टोव अचानक विस्फोट हुँदा जलेर गम्भिर घाईते भएका थिए ।

आर्थिक अवस्था कमजोर रहेका विकको परिवारलाई उपचारमा थोरै भएपनि सहयोग होस् भनेर घाइतेका परिवार सँग भेटघाट गरी सहयोग गरेको प्रने संघ भारत पन्जाब, चन्डीगढ, हिमाचल संयुक्त राज्य समितिका सदस्य बसन्तराज घर्तीले बताए ।