हामी सबैकाे संसारन्यूज

थानकोटबाट मच्छेगाउँ आउँदा एउटा २२–२३ वर्षे ठिटोले सुराको तालमा मुरली बजाउँदै धुन निकाल्यो……बिल्दीउँ बनाइदेउ डि..डी ….बिल्डीउँ बनाइडेउ….. !
कर्के नजरलाई उसको भाषा र लय बुझ्न एकछिन त हम्मेहम्मे पर्यो तर उसलाई सोधेर चित्त बुझाउन खोज्दा खाली एकोहोरो गितको रटान मात्रै आयो । मलाई ‘चिया’ र उसलाई ‘सिया’ दिएकी होटलवाली दिदीले भनिन् …..भुईंचालोले भत्केको घर बनेको छैन…..दिमाग अलि अलि फुस्केको छ……। नखाउ भन्दा मान्दैन …दिन्न भन्दा पिटँुला जस्तो गर्छ । हप्ता १५ दिनमा गीतको टुक्का र भाका फेर्छ । पत्रिकामा जे चर्चा हुन्छ त्यहि बनाउँछ के यसले । ३ दिन अघि मात्र मलाई सुजताको फोटो देखाएर हाँस्दै थियो ….।
कर्के नजरले स्मरण गर्यो, हो त सुजाता कोइरालाले भूकम्पले भत्केका एक हजार घर व्यक्तिगत रुपमा बनाइदिन्छु भनेको त हो नी ! त्यसो भए यसले बिल्डीङलाई बिल्दीउँ र दिदीलाई डि डी भनेको रहेछ । कुपोषण भएका बच्चाहरूको नाङ्गो फोटो सार्वजनिक भई रहेको, स्वास्थ्यमन्त्रीले सहमति नजनाएको भनिएको र सुजाताको क्षमता र सम्पत्ति चिन्ने जान्नेले नपुगेर मागेको होइन, सरकारको माया मात्र जाँच गरेको पनि भनिरहेका छन् ।
कर्के नजर पनि यहि चाहान्छ, पाठकवृन्द । उनले बाजे र बाबुको सद्भाव जोडेर आफूप्रति देशले दिने माया जाँच्नलाई मात्र पैसा मागेको कुरो होस् । पैसो आइहाले पनि भत्केको घर बनाउने सुजाता दिदीको फण्डमा जम्मा होस्, उता दिदी निको हुँदै गएको खबर पाइयोस्् भने यता धमाधम घर ….ठडिँदै चिसोबाट कठ्याङग्रीएकालाई बस्ने ठाउँ थपिँदै जावोस् । होइन त पाठकवृन्द !